Kuman na adlaw, Nobyembre 22, 2024 pormal na na tag-abrihan sa publiko ang bag-o na renovate na Provincial Sports Complex sa pag panguna ni Provincial Governor Robert Lyndon S. Barbers. Dungan sab na tag blessingan ang sports complex.
Tag renovate inin sports complex o mas paborito na tawagon nan mga Surigaonon na “Grandstand”, suyod sa pipila ka buyan para mas maplastar sanan mag-enjoy an sin-o man na gusto mag jogging o magduwa nan ila paborito na sports. Tagplanuhan sab na mahimo ini na venue para sa lain-lain na mga sporting events sulod sa Caraga Region.
Nitambong sa programa si City Mayor Pablo Yves L. Dumlao II, Vice Governor Eddie Gokiangkee Jr., Vice Mayor Alfonso S. Casurra, City Officials, Provincial Department Heads, Surigao City DepEd Officials, lain lain na mga organizations, sanan mga estudyante.
(Source: Surigao City PIO)