Gidaya sa hospital an 9 anyos na bata human kini aksidenting nadasmagan sa Honda XRM nga gimaneho ni Ronel Coja Comendador, 24 anyos na layaki, high school level, isa ka vendor, residente sa Purok 6, Brgy. Canlanipa, syudad nan Surigao ug wayay na presentar na driver’s license.
Sa imbestigasyon sa kapulisan nasayran nga samtang nag duwa an biktima sa dayan sa may Purok 10, Punta Bilang-Bilang, Brgy. Taft, aksidenting kini nadasmagan sa motorsiklo.
Naka angkon nan samaran sa waya na bitiis, tuo na tudlo ug sa waya na wayong an biktima ug gidaya sa nirespondeng QART Personnel pasingod sa Caraga Regional Hospital.
Hinuon nagkasabot ra an duha ka partido sa marajaw na pamaagi. (Mark James Lisondra)