Taliwala sa gipakusog nga kampanya batok sa ilegal nga pagpangisda sa rehiyon, nasikop sa mga kapulisan sa tibuok Caraga ang 147 ka mga violators ug nasakmit ang P112,060.00 nga balor sa marine life ug P1,503,860.00 nga balor sa fishing paraphernalia base sa record sa Regional Operations Division 13 gikan sa Enero 30 hangtod 31.
Si POLICE BRIGADIER GENERAL KIRBY JOHN B KRAFT, Regional Director sa Police Regional Office 13, nag laong nga ang Dinagat Islands Police Provincial Office (PPO) maoy nag-una sa record nga jaoy 56 ka mga nasikop nga violators gisundan sa Agusan del Norte PPO nga jaoy 34; Surigao del Sur PPO nga jaoy 32; Surigao del Norte PPO nga jaoy 17; ug Agusan del Sur nga jaoy walo (8).
Kini nga mga malapason nakadawat ug citation ticket tungod sa paglapas sa mga lokal nga ordinansa kalabot sa ilegal nga pagpangisda.
Ang 130 ka anti-illegal fishing police operations sa tibuok rehiyon misangpot isab sa pagkumpiska sa 271 ka illegal fishing paraphernalia, lakip na ang unregulated fishnets, fishing gear, ug trawlers, 16 ka motorized fishing boats, ug duha ka non-motorized fishing boats.
Sumaya pa ni RD Kract nga ang mga ordinansa gi-issue sa mga local government units aron matabangan sa pagpreserbar sa marine resources. Giawhag nija ang tanan nga magtinabangay ug suportahan ang pagpatuman niini nga mga ordinansa sa pagpaningkamot nga makab-ot ang mga mithi sa ‘Bag-ong Pilipinas. (Ronda 21 Mark James Lisondra, photo courtesy of Police Regional Office 13 Caraga)