Tagselebrar kuman na adlaw ang ika-126 na adlaw sa paghandum sa kinabuhi, mga buhat sanan pagkamatay ni Jose Rizal, Disyembre 30, 2022 sa may Luneta Park, Surigao City.
Ini na aktibidad taghimo iban sa nagkalain-lain na mga national, provincial sanan city officials, mga department heads, chief of offices, representante sa NGO’s Socio Civic Organizations sanan uban pa na mga grupo.
An 30IB Philippine Army, Gigaquit, Surigao del Norte mao an naghimo sa 21 gun salute isip paghatag pasidungog sa amo na bayani.
Didto sab si VW Reynaldo L. Ibañez PDDGM sa VW Andonic T. Dumlao Masonic Lodge No. 424 na naghatag nan ija pamulong sa pasidungog. Pagkahuman tagsundan sa mga mensahe nila Mayor Paul Dumlao, Congressman Robert Ace Barbers sanan si Governor Lyndon Barbers.
Nahuman an amo na aktibidad pinaagi sa pagpakita sa mga talento nan mga estudyante sa Caraga Regional Science High School, Surigao City National High School, sanan an Surigao del Norte State University Chorale Ensemble.
(Source: Surigao City PIO Facebook page)
