Nagmalampuson an TUPAD orientation pinaagi sa programa sa Department of Labor and Employment kon DOLE nga gipahigayon sa Brgy. Mahanub, Cover Court, lungsod nan Gigaquit, Surigao del Norte.
Dako an kalipay sa 1, 242 sa mga katawhan sa Gigaquit human gidaya an tabang pinansyal sa distrito 2 pinaagi ni Congressman Bingo Matugas.
Kini na pundo gikan ni President Ferdinand “Bongbong” Marcos Jr. ug ni House Speaker Ferdinand Martin Romualdez nga gipaningkamutan na mapangajo an pundo ni Congressman Bingo Matugas.
Sumaya pa ni Congressman Bingo Matugas na dili lamang kini an ija programa apan jaon pay Medical Assistance, Educational Assistance, Burial Assistance, AICS program pinaagi sa DSWD, TUPAD program pinaagi sa DOLE aron makatabang sa mga katawhan sa tibuok probinsiya sa Surigao del Norte.
Matud pa sa Congressman na ija paninguhaon na mahatagan an iban na waya maapil sa unang batch sa distrito 2.
Mitambong isab si Board Member Constantino “Bully” Navarro IV, BM Elvira Egay ug si Atty. Carlos “Junjun” Egay Jr. isip pag suporta sa maong kalihokan. (Mark James Lisondra)