Napili ni Gob. Matthew Marcos Manotoc ti ili a Badoc a maysa kadagiti lugar a pakaisayangkatan iti sumagmamano nga aktibidad iti pannakarambak ti “Foundation Anniversary” ti Ilocos Norte.
Daytoy ket agsipud ta iti nadakamat nga ili ti ayan ti “Patron Saint” ti Probinsia a ni La Virgen Milagrosa.
Mainaig iti daytoy, naiyuswat ti “Thanksgiving Mass” iti La Virgen Milagrosa Chape; nga inatendaran ti gobernador.
Malaksid ken ni Gob. Matthew Marcos Manotoc timmalantan pay dagiti dadduma nga opisial ti probinsia kas kada Sang. Panlalawigan Member Domingo amborcio ken ni sr. Sang. Panlalawigan Member Medeldorf Gaoat pakairamanan ti sumagmamano a mayor nga idauloan ti mayor ti badoc Hon. Maximo Cajigal, Mayor Albert Chua ti siudad ti batac, Mayor Rommel Labasan ti ili a pinili Mayor Edward Quilala ti ili a Currimao, Mayor Antonio Mariano ti ili a Marcos Mayor Carlito Abadilla ti ili a Banna ken Mayor Joseph De Lara ti ili a solsona ken dagiti dadduma pay nga opisial ti Probinsia.
Kalpasan ti misa naisaruno ti “fluvial parade” wenno prusisyon iti baybay a sakop ti Badoc a nakipartisiparan ti sabgapulo a naarkusan a Bangka.
Immuna iti prusisyon ti nakailuganan ti imahen ti “patron saint” ti probinsia a sinaruno ti nagluganan da Gob. Matthew Marcos Manotoc ken ni Miss Earth 2014 Jamie Herrell ken simaruno ti nagluganan ni Mayor Maximo Cajigal ken dagiti dadduma pay a nagluganan dagiti umili ti ili a Badoc.
Kagiddan ti nasao nga aktibidad ket nabendisyonan ken nainaguaran dagiti “Service Buildings” iti La Milagrosa cove a pakairamanan ti pasdek a pakailakoan dagiti “souvenir items” pakairamanan dagiti napipintas a comfort rooms.
Mainaig iti daytoy impeksa ni Cajigal ti napalaus a panagyaman iti gobierno probinsial kangrunaanna iti gobernador iti dakkel nga opurtunidada a naipaay iti ili a Badoc.
Ginutigotna met dagiti lumugar ken dagiti barangay officials iti Brgy. La Virgen Milagrosa nga agkakamayet a mangtagiben iti kinadalus ken kinapintas ti nasao a lugar tapno mataginayon a sublia- sublianan daagiti turista.
Author: IRENE RINGOR, RPN – DZRL CORRESPONDENT
Source: PGIN