Naluktanen ti turismo ditoy Ilocos Norte para kadagiti umili ditoy probinsia.
Nupay kasta, inlawlawag Provincial Tourism Officer Mr. Aianree Raquel nga adda pay laeng dagiti sumagmamano a lugar a maipawil pat laeng a pagturungan.
Impalgakna a karaman ditoy ti Solsona – Apayao road gapu ta ti “border control” ket masarakan iti baba.
Nupay kasta, mangnamnama a maibirukan daytoy iti kabiitan a panawen iti baet daytoy impasingkednz a mabalin ti agturomg iti nadakamat a lugar babaen iti pintas a koordinasyon iti probinsia.
Inbunannag ni Raquel a karaman ti nasao a lugar iti maikadua a bansada a malukatan iti babaen ti “travel corridor”.
Innayonna a kadagiti interesado nga agturong iti Solsona-Apayao road ket mabalinda ti makikoordinar iti Provincial Tourism Office tapno tumulongda va mangiyurnos iti panagturong dagitoy iti nasao a lugar.
(Irene Ringor, RPN DZRL Batac Correspondent)
(Source: Provincial Tourism Office)