Cebu City – Gideklarar nga dead on arrival (DOA) ang usa ka Sugboanon nga Radio Blocktime Commentator, human pusila sa wa mailhing mamumuno, gawas sa Radio Station sa Pacubas Drive, Natalio Bacalso Avenue, Barangay Mambaling, Syudad sa Sugbo, pasado alas 9 sa buntag, Huwebes, Hulyo 22, 2021.
Gikonpirma kini sa iyang asawa nga si Kit Matus-Cortes, News Director sa usa lokal nga radio station sa Sugbo sa interview.
Gipusil ang biktima nga si Reynante “Rey” Cortes, kinsa bag-o pa lang nahuman sa iyang radio program, pag dayon nang abli niya sa iyang sakyanan.
Si Rey nailang hard-hitting nga komentarista, sa iyang blocktime radio program sa DYRB nga “Engkwentro”.
Ang pagpusil-patay kang Rey, nahitabo kini atol sa birthday ni Kit, kinsa daling niadto sa Cebu City Medical Center (CCMC), diin patay na niyang naabtan ang iyang bana.
Sa sayo pa naka post na sa iyang greetings si Rey ngadto sa iyang asawa nga nag birthday karong adlawa.
“Bisan paman sa mga kakulian ug mga pagsuway sa atong panaghigugmaay natong duha di gyud nako angay nga hikalimtan ang adlawang natawhan sa pinaka mapinanggaon, masinabtanon ug mahigugmaon nakong Commander in Chief Kitt Matus Cortes ang News Director sa DYSS karong adlawa..” unang bahin sa mensahi ni Rey Cortes.
“Sayod ang ang kalibutan ug unsa teka ka pinangga bisan paman sa mga unos sa atong gugma garbo nako nga ikauban teka hangtod sa kamatayon.. Happy happy birthday nimu karong adlawa hinaut nga hatagan ka ug kabaskog ug kalig on para sa atong pamilya nga amo kang ikauban sa taas pa nga panahon..” dugang mensahi ni Rey.
Matod ni Police Major Dindo Alaras, hepe sa Mambaling Police Station nga giimbistiga pa karon sa ilang buhatan ang maong hitabo; ila nang gisusi ang crime scene. (Jhon Tadlip)
(News & photos courtesy by Kit Matus-Cortes | Mambaling Police Station)