31.6 C
Manila
Thursday, April 18, 2024

State Universities And Colleges, Dapat I-Monitor Sa CHED Batok CPP-NPA-NDF

- Advertisement -

Gisugyot karon ni Ka Efren kanhi CPP-NPA-NDF ngadto sa National Taskforce To end local  Armed Conflict nga ipa-monitor sa mga personahe sa CHED kon Commission on higher education ang operasyon sa mga pampublikong tunghaan sa kolehiyo ug pipila ka pribadong institution sa kolehiyo nga maoy gisukaran sa mga nailang mga leader ug kumander sa komunistang grupong CPP-NPA-NDF . Kini ang gibutyag ni Ka Efren atol sa presscon sa Regional Task Force ELCAC sa Kampo sa kapulisan PRO 12 Tambler ning syudad sa GenSan . Matud pa niini nga siya ang usa sa tataw nga ehemplo gikan sa iyang pagka myembro sa CEGP kon College Editors Guild of the Philippines  kon student activist hangtud nahimong tigpamaba sa Bayan Socsargen far south Mindanao ug milahos sa pagka-Kumander kon Kadre sa walhong kalihokan .

Matud pa niini nga nahimong breeding grounds ang maong mga institution kon skwelahan sa komunistang grupo tungod sa mga idolohiya (ideology) ug nalinlang ug nagamit ilabina kadtong mga kabataan kon estudyante nga lantip nang daan ang mga panghuna-huna ug mahimo kining organizers ug tigpamaba sa sulod sa kalihokan.

“Diha ko gikan ug gibati naku nga bisan ug bright ko or taas ug kinaadman nasulod ko sa maong kalihokan tungod sa maayong pangumbinsi hangtud nga naalaut ug nadaut ang akong kaugmaon”, ang pahayag ni Ka Efren. Mao nga akong gisugyot karon nga tutukan ug imonitor ug maayo ang mga eskwelahan ilabina sa mga pampublikong institution nga mao usab ang gigikanan ni founding Chairman Jose Maria Sison ug uban pang kadagkuan sa CPP-NPA-NDF . Samtang gikumpirma usab ni Ka Efren ug mga kaubanan nga pipila sa mga makabayan block ug uban pang pundok  susama sa Gabriela , Kilusang Mambubukid sa Pilipinas, Bagong Alyansang Makabayan , League of Filipino Students, Act Teachers Partylist ug daghan pa nga mga legal fronts sa CPP-NPA-NDF .

“Klaro nga adunay mga infiltrators sa atong gobyerno kay samtang naa sila diha sa pwesto tataw nga misuporta kini sa kalihokan “, ang pamahayag ni Ka Efren . Mao matud pa kini ang iyang nasayran samtang naa kini sa sulod sa maong grupo.

Sa hisgutanan sa red tagging , nanawagan kini sa mga ginikanan ug kabataan nga klaruhon ang apilan nga mga grupo aron dili mahitumpawak sa dautan apan hinuon adunay proseso ang gobyerno ilabina sa military ug kapulisan ug mga intelligence network niini aron i-validate ang posibleng kalambigitan sa mga tawo sa mga nahisgutan . Suportado niini ang programa sa gobyerno ilabina ang Task Force ELCAC ug naglaum kining mahimong malungtaron hangtud mahuman ang problema sa insurhensiya sa Pilipinas. (Roniel Degorio, RPN DXDX GenSan)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -