General Santos City – Sa botong 10-3 nagmadaugong “na-override”sa gipahigayong session sa mga konsehal Ning dakbayan sa Heneral Hunyo 6, 2023 diin mayorya nga mga sakop sa Sangguniang Panlungsod (SP) ning s’yudad sa General Santos ang pag-veto ni Gensan City Mayor Lorelie Pacquiao sa “Appropraition Ordinance No. 5- series of 2023 sa SP-Gensan nga nag-revert sa P10 milyong pundo ngadto sa ubang mga programa sa buhatan sa Bise Mayor ug SP-Gensan, apil na niini ang laraw pag-hire og dugang Job Order workers.
Kini ang labing unang kasaysayan sa SP-Gensan nga gi-over ride ang Veto sa usa ka Mayor. Gisulayan pa unta ni Gensan City Councilor, Atty. Dominador Lagare Jr. ang pagbabag nga madeklarang “Urgent” ang gidusong Resolusyon ni City Councilor Froebel Khan Ballque kabahin sa pormal nga “pag-override” sa Veto ni Mayor Pacquiao ,apan pakyas kining nababagan human napildi sa botohan.
Miboto pabor sa pag-override sa SP-Gensan sa Appropriation Ordinance No. 5- 2023 silang City Councilor 1.) Atty. Jose Edmar Yumang, 2.) Lourdes Lu Lu Casabuena, 3.) Vandyke Congson, 4.) Ate Beth Bagonoc, 5.) Jane Rivera, 6.) Jonathan Blando, 7.) Edgar Acharon, 8.) Rolito Blando, 10.) John Salvador Demdam Samtang ang supak, silang: 1.) Konsehal Dominador Lagare Jr. 2.) Dr. Odjok Adcharon 3.) Richard Atendido Samtang gi-kwistiyon ni Konsehal Lagare, kabahin sa gikinahanglang gidaghanon sa boto nga makonsiderang 2/3rd votes sa pag-override sa Veto sa Mayor, Gumikan alang kanila dapat 11 ang gikinahanglan nga boto. Dugang gi-kwistiyon ni Konsehal Lagare ang laraw pagkuha ni Vice Mayor Rosalita Nunez og dugang Job Order employees.
Dugang pa gipadayag usab ni kagawad Lagare ang opinyon gikan sa Department of Interior and Local Government (DILG) nga : “Only the Mayor has the authority to hire a job order through a contract of service.” Gipadayag usab ni Konsehal Yumang ngaang pag-override nila sa Veto ni Mayor Pacquiao gitawag og “Legislative Enhirit Function.” (Rey G.Ombaña)