Zamboanga del Sur – Init na kaau ug trending sa social media partikular sa Facebook ang nahimong resulta sa imbestigasyon nga gihimo sa Bitag Multimedia Network sa pagpangulo ni Ben Tulfo kabahin sa reklamo sa usa ka Rommel Aguilar kinsa nakasinati matud pa ug diskriminasyon ug walay ayong pag akatar sa provincial hospital-ang Zamboanga del Sur Medical Center.
Mayo 6 2021 unang mi ere sa digital platform ang segment sa reklamo ni Rommel nga nakakuha ug atensyon sa netizens ug miani ug lain laing simpatiya ug opinyon sa katawhan.
Sa naandan nga proseso sa programa nga Pambansang Sumbungan, ginatawagan ni Ben Tulfo ang mga partido tali sa mireklamo ug gireklamo, apan wala makatubag sa maong tawag ang gi reklamo aron unta pagsaysay sa ilang kabahin. Gumikan niini, gipagawas ang part 2 sa maong reklamo nga nagka sanga-sanga, kabahin na usab sa kasinatian ni Rommel sa Pagadian city police station diin gikulata matud pa kini sa pulis didto. (Matan-aw kini sa Bitag live Facebook page)
Milungtad pa ngadto sa part 3 ug part 4 ang maong reklamo dihang midumili sa pagtubag ang kampo sa Zamboanga del Sur Medical center sa panawagan sa Pambansang Sumbungan aron madungog ang ilang kabahin.
Miulbo ang kasungot ni Ben Tulfo dihang imbis mutubag ang gireklamo sa programa, nagpa presscon hinoon kini sa media local hinungdan nga gi focus sa Bitag live ang maong taho ug giimbistigahan pa ug maayo ang kaso ni Rommel. Gipagawas na sa National television pinaagi sa PTV4 ang kaso ni Rommel.
Ang taho nga nagsugod lamang sa reklamo batok sa doktor ug staff sa Zamboanga del Sur medical center midako ug miinit pa dihang mipagawas ug statement c Governor Victor Yu pinaagi sa usa ka ambush interview diin iyang giawhag c Rommel nga undangon na ang pagpamakak niini tungod kay apektado na matud pa ang mga doktor sa probinsya., Gani, gihagit pa niini c Ben Tulfo ug ang Bitag live nga muadto sa Pagadian aron personal nga mag imbestiga. Ang maong pamahayag, nakapagting ug nakadalag kainit sa dunggan ni Ben Tulfo diin pinaagi sa National television, iyang gidawat ang hagit sa Gobernador.
Mayo 17, miabot ang advance party/team Bitag sa Pagadian city ug wala na kini maglangan pa, nagpahigayon gilayon sila ug imbestigasyon ug one on one interview tali sa nireklamo nga c Rommel, ang gireklamo nga mga doktor ug governor Yu. Apan karon lamang buntag Mayo 18, nainit ang social media sa magkalahi nga cation sa post sa duha ka partido mahitungod sa nahimong dagan sa imbestigasyon. Nagkadilaab karon ang duha ka partido ug nagpunay pagpangita ug lusot sa mong kaso.
Sa kasamtangan, gihulat pa ang resulta sa mahimong dagan niining maong kaso nga gitutukan sa ZamboSurians. (Diocsil Sanico, RPN DXKP Pagadian OIC)
(Source: Bitag Live | Victory Zamboanga del Sur, photo courtesy of Bitag Facebook Live | Victory Zamboanga del Sur | Diocsil Sanico, RPN DXKP Pagadian OIC)