Misangpot sa kagubot ang kalingawan ngadto sa Barangay Iponan, Cagayan de Oro City niadtong, Pebrero 9, tuig 2026, human kalit nga gisumbag ang usa ka sikat nga sugboanong vlogger ug event DJ nga si Marinong DJ samtang anaa kini sa tunga-tunga sa iyang pasundayag.
Ang insidente nahitabo pasado alas 8:00 sa gabii, samtang ang vlogger nakig-picture sa iyang mga fans sa stage. Ang bibong unta nga pagtapok sa mga fans niini nahimong tensyonado sa dihang usa ka lalaki ang kalit nga nisaka sa stage ug gisumbag ang maong performer.
Base usab sa impormasyon gikan sa usa ka saksi ug residente sa maong barangay nga si Alyas “Paking”, ang nanumbag usa ka residente sa Barangay Bulua ning syudad ug usa ka ex-convict nga nalambigit kaniadto sa mga kalihokan nga may kalabutan sa illegal nga droga.
Samtang sa Facebook post sa maong vlogger, iyaang gipaambit nga makig areglo una siya sa sangkot sa insedente ayha mopahayag og mga detalye bahin sa maong panghitabo.