Davao City – Malipayon ang mga residenteng lumad sa Brgy. Salapawan, Paquibato District ning syudad sa Davao. Kini human ang malampusong Serbisyo Caravan nga gidalit sa 89th Infantry Battalion inabagan sa Lokal nga Kagamhanan sa syudad ug National Line Government Agencies.
Ang duha ka adlaw nga Serbisyo Caravan gipahigayon sa Kiman-Anao National High School sa Sitio Kiman-Anao sa Brgy. Salapawan, Paquibato District ning syudad.
Gipasiugdahan ni LtCol. Donald Gaffud Inf (GSC)PA, ang acting Battalion Commander sa 89th IB kauban ang Department of Social Welfare and Development XI pinaagi ni Bhong Binondo.
Kauban usab sa Serbisyo Caravan ang mga personahe sa Davao City Civil Registrar Office sa pagpanguna ni Leslie V. Lagare ug si Datu Solutan Berino Mambo-o sa Indigenous Political Structure kun IPS.
Nasayran nga mokabat sa kapin Dos Mil ka mga residenteng lumad nga naggikan pa sa nagkalain laing sityo sa Barangay Salapawan ang nakabenepisyo sa Serbisyo Caravan.
Ang grupo sa Davao City Civil Registrar Office naghimo sa ilang free mobile registration ug processing sa mga birth certificates ug mga marriage contracts samtang ang mga personahe sa DSWD XI nang apod apod ug Social Amelioration Program lakip ang Kinyentos (500) ka mga food packs.
Wala usab nagpaulahi ang Makatao Battalion nga nagpahigayon ug free haircut ug nanghatag sa mga used clothes sa mga lumad.
Ang duha ka adlaw nga Serbisyo Caravan gitapos pinaagi sa Libreng Mass Wedding kun Kasalan ng Bayan nga gipasiugdahan ni Datu Mambo-o.
Sumala pa nga natuman na sa hingpit ang dugay nang gipangandoy sa mga lumad sa Brgy. Salapawan, Paquibato District ang nahisgutang Serbisyo Caravan sa Kagamhanan.
Tungod sa Serbisyo Caravan nga gidalit sa 89th IB ug mga ahensiya sa Kagamhanan, miladayag sa ilang mga pagpasalamat sa komunidad sa mga Lumad sa Paquibato District ning syudad sa Davao.
Sa pikas bahin, gipasalamatan usab ni LtCol. Gaffud ang mga nagkadaiyang ahensiya sa Kagamhanan ug mga civilian stakeholders gumikan sa padayon pagsuporta sa Kasundaluhan ilawom sa Bravo Company, 89th IB sa pagpanguna ni 1st Leutenant Jefte A. Abbe kinsa maoy nagplano alang sa nahisgutang programa.
(CMO 89th IB | OIC Michael Manguhig, RPN DXKT Davao)
