Hugot nga seguridad ipatuman sa Cagayan de Oro City Police o COCPO sa kapistahan sa Black Nazarene sa syudad sa Cagayan de Oro sa Enero 9. Kini aron pagseguro nga luwas gikan sa daotang element ang libo-libong deboto nga moduyog sa translacio o pagbalhin sa Itom nga Nazareno gikan sa San Agustin Cathedral padulong sa Jesus Nazareno sa maong adlaw.
Matud pa ni COCPO City Police Director Henry Dampal nga ilang irekomendar usab ang pag-jam sa cellphone signal aron dili malutsan ang seguridad.
Nasayran nga sa matag tuig, dili lamang ang mga deboto gikan sa nagkalain-laing bahin sa Mindanao ang moanhi sa syudad sa pyesta sa Itom nga Nazareno kon dili apil na usab sa Visayas ug bisan sa Luzon.
Gawas sa kapolisan, duyog usab ang kasundaluhan sa pagpatunhay sa kahusay ug kalinaw alayon sa maong higayon.