Cagayan de Oro – Andam nga musupply ug tubig sa syudad sa Cagayan de Oro ang Rio Verde Water Co. kung madayon ang pag-cut-off sa tubig sa COBI sa syudad karong umaabot Marso 31.
Matud ni Engineer Jeoffrey Hapitan sa Rio Verde Water Co. nga sa bulan palang sa Enero ning tuiga nihatag siya ug Letter of Intent sa buhatan ni Mayor Klarex Uy aron sa pagpakita sa ilang interest sa pagsupply sa panubig sa syudad.
Gisiguro usab niini nga limpyo ug ready to drink ang tubig nga muabot sa katawhan kung ugaling nga sila ang kuhaong supplier sa Cagayan de Oro.
Una nang migawas nga niadto Marso 1, 2024, miabot ang suwat sa buhatan sa mayor nga adunay mukabat sa kapin 400 Milyon pesos nga balayronon ang buhatan sa Cagayan de Oro Water District ngadto sa COBI.
News and photo by Cheleste Simene