Davao City- Posibleng sugdan karong tuiga ang rehabilitasyon sa Talomo Bridge-2 ning syudad aron dili magbutang sa peligro sa mga motorist nga molabay sa nahisgutang tula. Kahinumduman nga niadtong sabado (July 21, 2018) temporaryong gisarado sa dagkong trak ang nahisgutang tulay sanglit karaan na kini ug peligro sa motorista.
Sumala pa ni Dean Ortiz, ang tigpamaba sa Department of Public Works and Highways Southern Mindanao Region nga mamahimo unang molatas ang dagkong trak sa pipila ka mga by-pass road sa Puan ug uban pa nga mga alternatibong rota.
Dugang pa sa tigpamaba sa DPWH-SMR nga gikinahanglan na karong han-ayon ang mga alternatibong rota sa syudad nga mamahimong again sa mga motorist aron usab nga malikayan ang grabeng paghuot sa dagan sa trapiko sa syudad.
Kahinumduman nga pila ka adlaw gipatuman sa City Transport and Traffic Management Office (CTTMO) ang dry-run sa one-way traffic scheme sa Talomo Bridge-2 gumikan sa planong rehabilitasyon.
“We apologize for yesterday’s inconvenience. We only want our city to be attractive and efficient for our tourists, businessmen, students and employees,” matud na ni Abude
Sumala pa ni CTTMO head Dionisio Abude nga nahimong malampuson ang tulo ka adlaw nga dry-run bisan pa man sa nasinati usab nga grabeng trapek sa lugar. Hinuon gipasabot niini nga ugaling matapos na ang rehabilitasyon, ang mga motorist ug sumasakay usab ang makapahimulos sa pagluag sa dagan sa trapiko.