Gipalutang karon sa ruling party nga Partido Demokratiko Pilipino-Lakas ng Bayan (PDP-Laban) ang planong pagmugna og kaugalingong linyada sa mga local candidates sa General Santos City, karong 2022 elections.
Sa gitunol nga impormasyon sa RPN DXDX ??????, gikan sa mga local party stalwarts, nasayran nga partikular sa ginatan-aw karon ang posibleng tandem sa usa ka incumbent city councilor ug veteran lawyer, nga parehong loyalista sa partido sa Pangulong Rodrigo Duterte.
Nasayrsan usab aduna matod pay basbas gikan sa “Davao group” ang maong plano nga atbangan ang paksyon sa PDP-Laban sa siyudad ug gilauman ang announcement karong semana.
Atol sa naunang pakighinabi sa RPN DXDX ??????, una nang gikumpirma ni City Councilor Rosalita Nuñez nga desidido kining ipadayon ang pagpangalagad sa siyudad, human sa iyahang termino sa Sangguniang Panlungsod.
Matod pa sa veteran lawmaker, dayon kini sa pagdagan, bisan isip usa ka “independent candidate” higayon nga dili maapil sa line-up sa grupo sa ruling administration ni City Mayor Ronnel Rivera.
Si Nuñez ang miyembro sa partido sa Duterte administration.
Kung madayon ang maong plano, nakitan karon ang panagtigi sa posibleng upat ka mga kandidato sa mayoralty race sa GenSan, human una nang mitumaw ang mga pangalan nilang Elmer V. Catulpos alang sa AIM party; Lorelie Pacquiao sa PCM ug Shirlyn Bañas-Nograles o Jane Rivera alang sa sitting administration. (John Rey Somido)