Malampusong gipahigayon ang ground breaking alang sa Proposed City Agri-Fishery Development and Post-Harvest Facility sa Barangay Polo dakbayan sa Dapitan.
Nagkanayon si Mayor Rosalina Nene Jalosjos nga kini maoy legasiya sa iyang administrasyon nga naglantaw nga makatabang sa mga katawhang Dapitanon ug mamahimong inila ang dakbayan sa umalabot nga adlaw.
Gipahalipayan usab ni Dir Gilbert Gumabay, RD BLGF-DOF Region IX ang kagamhanang lokal sa dakbayan ubos sa administrasyon ni Mayor Nene Jalosjos sa pagbaton sa proyekto nga makahatag og dakong tampo sa panudlanan sa syudad.
Gilantaw ni Cong. Romeo “KuyaJon” Jalosjos, Jr. nga dako kini og ikatabang sa mga katawhan sa mga kasikbit nga dapit ilabina sa mga Dapitanon.
Lakip usab si former Cong./ Project Monitoring Committee Chair Bullet Jalosjos ang namahayag nga isip kapital sa turismo ang Dapitan, angayan lamang kini makaangkon sa susama nga pasilidad.
Isip maoy arkitekto ug nagdesinyo sa maong lugar, gipagawas usab ni Engr. Nilo Ferraren ang panlantaw sa maong lugar.
Kini usa ka income generating project nga nagkantidad sa mokabat 631 milyones pesos ug adunay 10 ektaryas nga luna alang sa nasangpit nga proyekto.
(NEWS AND PHOTO COURTESY OF CITY INFORMATION DIVISION- CID DAPITAN Facebook page)
