Ginatunan na matod pa karon sa national government ang pagpatuman og price cap sa presyuhan sa karneng baboy, taliwala sa padayong pagtaas sa presyo sa maong palaliton.
Sa usa ka pamahayag, giasoy ni Cabinet Secretary Karlo Nograles nga kasamtangan nang gitun-an sa Department of Agriculture (DA) ang pagpatuman og price measures sa mga merkado publiko.
Pagpaklaro pa ni Nograles, kasamtangang nagpabilin pa sa state of public health emergency ang nasud gumikan sa Covid-19, gani, mamahimo matod pang mapatuman sa gobyerno ang price cap sa mga essential goods, sama sa pagkaon.
Aminado pa si Nograles nga gawas sa Covid-19 pandemic, padayong giatiman usab sa gobyerno ang bahad sa African swine fever (ASF), asa maoy hinungdan sa nihit nga suplay sa karneng baboy og pagamahal sa presyo niini. (JOHN REY SOMIDO)