Maiur-uray pay laeng iti pannakaparuk at tip undo a 7.7milyon a pisos a maibayad kadagiti umili a naapektaran ti tarakenna a baboy gapu iti African Swine Fever wenno ASF sakit ti baboy.
Ti pundo ket maadaw manipud iti Quick Response Fund iti Regional Field Office One.
Immunan nga impasigurado da Gob. Matthew Marcos Manotoc ken Provincial Veterinarian Dr. Loida Valenzuela nga apaman a maparuk-atan tip undo insigida met a maited kadagiti maseknan.
Kuna ni Dr. Valenzuela nga amin a naapektaran a farmers nga adda iti masterlist a nailista agingga iti Hunyo 30 ket mabayadan.
Naammuan a 5 ribu a pisos ti maited a financial assistance iti tunggal maysa nga ulo a baboy dagiti umili a naapektaran iti ASF.
Maipalagip a rinibu ribu a baboy dagiti umili idiay Solsona ken Dingras iti pilit a natay ken naikali tapno saan nga agramram pay iti sakit dagiti baboy.
Kuina ni Dr. Valenzuela a dagiti nailista iti tarakenna manipud Hulyo Primero bayadan met ti PCIC wenno Phil. Crop Insurance Corporation a naka insuran iti taraken da malaksid kadagiti naud udin a nagpailista ti tarakenna idiay Solsona ken Dingras.
(Ronald Domingo, RPN DZRL Batac Correspondent)
(Source: Provincial Government of Ilocos Norte)