Cebu City – Gihugopan sa pipila ka mga Cebu Political leaders ang gipahigayong Duterte-Cusi Partido Demokratiko Pilipino- Lakas ng Bayan (PDP-Laban ) National Assembly nga gipahigayon sa Royce Hotel sa Clark Freeport Zone, Pampanga ug via virtual convention, Sabado, Hulyo 17, 021.
Mismong si Presidente Rodrigo Roa Duterte, ang party Chairman maoy nangulo sa oath-taking sa mga bag-ong officers ug members sa PDP-Laban lakip na ang renewal of oath sa daang mga membro.
Gitambongan kini sa mga opisyal sa Syudad sa Sugbo, Lapu-Lapu ug Lungsod sa Cordova nga mga membro sa PDP-Laban.
Didto sa maong assembly ang mga konsehal sa Syudad sa Sugbo nga naglakip ni Konsehal Raymond Garcia, Kons James Cuenco, Nina Mabatid, Junjun Osmena, Jerry Guardo, City Legal Rey Gealon, CRRMO head Ramil Ayuman, MCWD Chairman Joey Daluz, Francis Espares ug mga kaubanan.
Nakita sab nga mitambong ug nagpahulagway uban kang Presidente Duterte si Lapu-Lapu City Mayor Junard Chan ug si Cordova Mayor Tetchie Sitoy-Cho.
“Dakong dungog nga nagpabilin kitang kabahin niining pinakadako ug pinakadugay nga political party sa tibook Pilipinas. Pasalamat ako og dako sa atong halandong Presidente Rodrigo Roa Duterte nga sa kanunay anaa pirme sa among kiliran nga andam motabang sa kaayuhan sa matag katawhan sa amoang tagsa-tagsa ka dakbayan,” padayag ni Mayor Chan.
Napili nga bag-ong Presidente sa PDP-Laban si Department of Energy Secretary Alfonso Cusi; samtang si Cabinet Secretary Karlo Nograles ang bag ong Vice President.
Si Presidente Duterte mao gihapon ang Chairman sa Partido.
Napili nga bag-ong treasurer si Gov. Antonio Kho sa Masbate, ang Secretary General si Atty Melvin Matibag ug ang Auditor si Senador Bong Go.
Didto sab sa assembly sila si House Speaker Lord Velasco, Presidential Assistant for the Visayas Secretary Michael Dino, DOTr Secretary Art Tugadi, DOLE Secretary Silvestre Bello, Bohol Governor Art Yap, PEZA Director BG Ching Plaza.
Lakip nga mitambong ang Chairperson sa National Commission of Senior Citizens Secretary Franklin Quijano ug NAPC Noel Felongco.
Samtang sa iyang bahin, masaligon si Senador Koko Pimentel nga daghan pa gihapong grassroots members sa PDP-Laban nga misuporta kang Senador Manny Pacquaio bisan pa sa napahigayong piniliay sa bag ong liderato, nga mipili kang Cusi pagka Presidente sa PDP-Laban. (Jhon Tadlip)
(Source: PTV, photos courtesy by Junard Chan | Nina Mabatid)
