- Advertisement -
Nais magsagawa ng malalimang imbestigasyon ang Philippine National Police (PNP) kaugnay sa ulat ng Bureau of Customs (BOC) na may tulong umano mula sa ilang mga pulis at sundalo ang pagpuslit ng “dirty money” sa bansa.
Ayon kay PNP spokesman Police Brigadier General Bernard Banac, handa silang magsagawa ng imbestigasyon sa loob ng ahensya kung makapagbibigay lamang ng sapat na impormasyon ang Customs hinggil sa kanilang alegasyon.
Ani Banac, isang seryosong usapin ito na hindi maaaring balewalain lamang.
Kasabay nito, tiniyak ni Banac na mananagot ang sinomang mapapatunayang sangkot sa pagpasok ng napakalaking halaga ng pera sa bansa.
- Advertisement -
