Pagahimuon na usab ang tinuig nga eksaminasyon sa Philippine Military Academy dinhi sa dakbayan sa Dipolog karong umaabot Septiyembre 9 ug 10 ning tuiga.
Kini ang nasayran human mi-kurtesiya si MAJOR Edwin E. Lobog (CE) sa Philippine Army (PA) ngadto ni Mayor Darel Dexter T. Uy Martes, Septiyembre 5, aron pormal nga ipahibalo ngadto sa mayor ang nasangpit nga pasulit.
Sumala ni Major Lobog, ang dawaton sa adlaw’ng Sabado ug Dominggo mao lamang kadtong mga walk-in applicants diin ang eksaminasyon didto ipahigayon sa Dipolog Sports Complex sa Brgy. Olingan ning dakbayan.
Alang niadtong interesado nga mokuha ning nasangpit nga pasulit, dal-on lamang ang mga mosunod nga rekisitos :
- Duly Accomplished Cadet Application Form (Download from PMA website or secure at the examination center)
- Photocopy of PSA Birth Certificate
- Photocopy of Form 137/138 with at least 85% GPA/GWA o kaha Transcript of Records (for college students)
- 2×2 picture with white background
- Valid ID (preferably school/driver’s license)
- At least 2 pencils (No. 2)
Ang mga aplikante ang gidasig sa pagsuot og puti nga T-Shirt, long pants ug closed shoes.
(Source: Dipolog City Government Facebook page)