Davao City – Gikumpirma sa Land Transportation Office (LTO) Davao nga pwedi ng irelease ang plate numbers alang sa mga 4-wheels ingon man motorsiklo.
Sumala sa LTO, sa 4-wheels available ang plates nga naggikan sa first date registration sa 2016 hangtud 2018, samtang sa 2019 hangtud 2022 available lamang ang LAF1001 hangtud sa LAL9998 nga plate numbers.
Dugang niini, nga sa parte usab sa motorsiklo available ang tanang plates gikan sa first date registration sa 2018 hangtud 2019, samtang sa 2021 hangtud 2022 available lamang ang 101LNW hangtud sa 999LZK nga plate numbers.
Samtang, gikalipay usab sa publiko ang maayong balita ug sa pagpaningkamot sa LTO Davao nga mapadali nga marelease ang giingong mga plate numbers. (Camille Santos Naraga)
(Source: LTO Davao)