Cebu City- Gi-hold sa mga awtoridad sa tugpahanan sa Mactan ang unom ka Pinoy ug usa ka Insek gahapon sa hapon tungod sa paghupot og palsipikado o mini nga Letter of Acceptance sa gobyerno sa Lapulapu.
Suma pa ni Mayor Junard “Ahong” Chan, ang mga sakop sa siyudad nga gidestino sa airport ang nakadiskobre sa fake document.
Matod ni Chan, nasakpan sa mga personnel nga mini ang Letter of Acceptance sanglit lahi ra kinig porma sa orihinal.
Ang Insek nga nadakpan nailhang siYao Cuizon kinsa nangatarongan nga wa siya masayod nga fake ang dokumento.
Midugang siya nga usa ka Raymond Tan, nga usa pod ka Insek, ang ilang gisuholan paghikay sa dokumento aron makasud sila sa Sugbo.
Gitug-an usab ni Cuizon nga mibiyahe sila gikan sa Manila aron unta pagtaod og aluminum signages ug ang unom ka Pinoy niyang kauban iyang mga trabahante.
Samtang si Mayor Chan mibutyag nga ang Chinese national nakagasto ogP10 mil sa iyang pagpa-process sa mini nga Letter of Acceptance.
Subay niini, gitambagan sa mayor ang mga gustong mobisita sa Lapulapu nga makig-transact direkta sa kagamhanang local pinaagi sa ilang website o hotline.
via Jhon Tadlip/JTY
Source: LCPO-Station 5,
: Lapu-Lapu City PIO
Photo : Junard Chan FB