Nangipaay ti Department of Labor and Employment wenno DOLE ti grant nga agdagup ti siam a gasut siam a pulo ket maysa ribu walo gasut uppat a pulo ket walo a pisos iti gobierno probinsial.
Daytoy ket para iti “IN na Negosyo sa Kariton” Project nga iwanwanwan ti Public Employment Service Office wenno PESO.
Naisayangkat ti ceremonial turnover ti tseke iti Laoag City Central Terminal ken ni Atty. Pancho Jose a chief of staff ni Gob. Matthew Marcos Manotoc ti nangisuno kenkuana.
Kangrunaan a gagem ti “IN na Negosyo sa Kariton” ti pannakaipaay ti alisto ken nalaka a pangalaan ti maipaay a puunan para kadagiti babassit a negosio tapno maaddaanda ti pamastrekan.
Malaksid iti daytoy ket mabalin pay a maipaay a pangrugian a puunan kadagiti nagawid nga Overseas Filipino Workers. (Irene Ringor, RPN DZRL Batac Correspondent)
(Source: Provincial Government of Ilocos Norte)