Indeklara ti Philippine Drug Enforcement Agency (PDEA) a Drug-free Workplace ti City of Batac Police Station nga idauluan ni Police Lieutenant Adrian Gayucahn kalpasan ti pannakaisayangkat ti drug-testing nga addaan negatibo a resulta kadagiti amin a personnel ti estasionna.
Naaramid ti deklarasion idi Martes, Pebrero katorse babaen ti PDEA Ilocos Norte nga idauluan ti Provincial Officer-na a ni IA III Darnel Bacate.
Naparaburan daytoy babaen ti Police Regional Office I Director, a ni Police Brigadier General John C. Chua a kaduana ti Provincial Director, a ni Police colonel Julius Suriben ken Mayor Albert D. Chua. Pinalakpakan ni Mayor Albert D. Chua ti pulisya iti daytoy a gapuanan ken inyebkasna ti namnamana a masustinerda ti kasasaadda kas drug-free workplace.
Kagiddan ti deklarasion, indauluanda pay ti bendision ken inagurasion ti baro a Police Protect Box. (April Gonzales)
(Source: LGU City of Batac, Ilocos Norte)