Impannakkel ni Punong Barangay Joegie Jimenez ti Brgy. Poblasyon ti ili a Burgos a napintas ti inbunga ti panagibunongda ti “Nutri Ban” kadagiti ub-ubbing iti barangay da.
Impalgakna a napanunutanda nga impatungpal ti nasao a program akas suporta iti kalikagum ni Gob. Matthew Marcos Manotoc a masolusyonan ti kaadda dagiti “malnourished” nga ubbing ditoy probinsia.
Inlawlawagna nga itay napalabas a tawen 2020 ket adda ti dua a seryoso a kaso ti “malnourished” nga ubbing iti barangayda.
Imbatadna a babaen iti panangipatungpalda iti nasao a programa ket awanen ti malnourished nga ubbing iti barangayda iti itatapug ti tawen 2021.
Mainaig iti daytoy, inpanamnama ni Jimenez nga itultuloyda ti nasao a programa.
Innayonna a mangkitada manen kadagiti ubbing nga agbalin a benepisiario ti nasao a programa kangunaanna kadagiti agtawen ti dua agingga iti uppat.
(Ronald Domingo, RPN DZRL Batac Correspondent)
(Source: Provincial Government of Ilocos Norte)