Temporaryong pasiraduan ang mga pampubliko ug pribadong menteryo sa tibuok Sarangani Province panahon sa Kalag-Kalag gikan Oktubre 29 hangtud Nobyembre 4. Alayon kini sa nasyonal nga kamanduan sa National Inter-Agency Task Force ug sa pamunuan ni Pangulong Rodrigo Duterte aron kapugngan ang pagdagsa sa tao nga posibleng ikatakod sa Coronavirus.
Segun ni Sarangani Assistant Provincial Administrator Engineer Gerald Faciol nga sa direktiba ni Governor Steve Chiongbian Solon sa iyang gipagawas nga Executive Order No. 28 kauban ang mga mayor, kadtong buot managkot alang sa ilang mga mahal sa kinabuhi ang tugutan kini gikan Setyembre 25 paingon Oktubre 28 ug gikan Nobyembre 5 hangtud Nobyembre 15. Tumanon lang ang mga safety protocol, sama sa face mask, face shield ug dos metros physical distancing, ug ang traynta (30) porsyento nga maximum venue capacity sulod sa mga sam-ang aron malikayan ang kahuot ug panagtapok sa mga indibidwal.
Sa mga panahon nga gitugutan makaduaw sa mga sementeryo gikan Setyembre 25 paingon Oktubre 28 ug gikan Nobyembre 5 hangtud Nobyembre 15, pwedeng maka-bisita matud pa ang mga senior citizen ug kabataan. Samtang, kadtong adunay ilubong sa mga adlaw sa Kalag-Kalag ang pwede kining mapatigayon tumanon lang ang mga palisiya sa pagpalubong ug sa cremation.
Giawhag na lamang ni Governor Solon ang pagsabot sa katawhang Sarangan aron kapanalipdan ang tanan sa nagpadayong hulga sa COVID-19.
(Provincial Information Office – Sarangani)