Wala sa posisyon ang Pilipinas para berepikahin ang ulat na magdedeploy umano ang China ng nuclear arsenal sa South China Sea.
Ayon kay Presidential Spokesperson Harry Roque, sa Estados Unidos lumutang ang nasabing report na base aniya sa kanilang obserbasyon, maituturing lamang itong isang ispekulasyon.
Patuloy aniyang pinaninindiganan ng Pilipinas ang nakasaad sa konstitusyon na dapat manatiling nuclear free zone ang bansa.
Matatandaang kamakailan lamang isinumite ng Pentagon sa US Congress ang kanilang nakalap na report kaugnay sa umano’y plano ng China na paglalagay ng nuclear arsenal sa Mabini reef, Mc Keenan, Burgos at Calderon reefs.