Naugbok sa kasagbutan ang usa ka Bao-Bao, kolor yellow human kini naaksidente sa Sitio Gapo, Purok 3, Tigbao, Zamboanga del Sur kaganihang alas 10:00 kapin kun kulang sa buntag, Abril 19, 2024.
Sigon sa saysay sa driver niini nga si Gil Pasanting, samtang naglantas matud pa siya sa dapit hitabuan, kalit sigon pang ni-overtake ang usa ka truck ug sa iyang bana-bana mapunggitan ang iyang gimaneho nga Bao-Bao hinungdan nga iyang gikabig sa pikas direksiyon apan imbes nga maluwas, nawad-an kini ug kontrol sa manubela ug aksidenteng nabalintong ang gimaneho niining sakyanan padulong sa kasagbutan.
Maayo na lamang nga wala kini nakaangkon ug grabeng mga samad sa kalawasan ug anaa ra sa luwas nga kahimtang.