Zamboanga del Sur – Mas nikunhod pa ang kinatibuk-ang ihap sa COVID-19 sa Zamboanga del Sur subay sa datos sa Integrated Provincial Health Office kagahapong adlawa, Marso 13, 2022.
Subay sa listahan sa IPHO, miubos ngadto sa 29 ang total active COVID-19 cases karon sa probinsya human madugang ang 2 ka bag-ong kaso ug 6 ka bag-ong recoveries.
Sa latest report, 6 na lamang ang kaso sa dakbayan sa Pagadian, 4 sa Margosatubig, 3 sa Midsalip ug tag duha ka kaso sa Labangan ug Aurora.
Miubos usab ngadto sa 16 ang na-admit nga COVID positive sa Zamboanga del Sur Medical Center kagahapong adlawa diin kadaghanan dili bakunado.
Pag-awhag sa atong local health authorities, padayong mosunod sa minimum health protocols ug magpabakuna na aron makabaton og dugang depensa batok sa coronavirus.
(Source: ZDS Press Bureau, photos courtesy of ZamboSur Covid-19 updates)