Zambonga del Sur-Mihatag og suporta ang USAID kun United States Agency for International Development pinaagi sa Reach Health nga usa ka non-government organization aron sa pag-asistir sa mga lokal nga buhatan sa pangalawas nga ubos ang ihap sa mga nabakunahan batok Covid-19.
Segun ni Integrated Provincial Health Office Head Dr. Anatalio Cagampang Jr., mipadala og mobile vacccination team ang maong NGO nga kumpleto sa mga doktor, registered nurse, ug encoder lakip na ang sakyanan, bakuna ug uban pang logistics.
Giabaga usab sa Reach Health ang sweldo sa maong mga personahe nga ideploy sa mga lungsod sa Vincenzo Sagun, Margosatubig, Tigbao, Dimataling ug Dumingag.
Dugang pa ni Cagampang nga ang maong team motabang sa lima ka RHU aron motaas ang ilang vacccination rollout sulod sa 2 hangtod 3 ka bulan nga pagbakuna.
Ning milabayng semana miagi na sa orientation ang municipal health officers sa maong mga lungsod lakip na ang mga Vaccinator alang sa pagtuman sa ilang misyon nga pagbakuna ang katawhan sa ilang mga lungsod.
Via | ZDS Press Bureau