Pagadian City – Personal nga gidawat sa Pagadian Maritime Police ang usa ka speedboat nga aduna kini’y tulo kabuok na makina with high powered artillery.
Mismong si CPNP Guillermo Eleazar ang nag turn-over sa maong speedboat diha sa atong Pagadian Maritime Police Station nga nahimutang sa Baywalk. Gisaksihan kini ni City Mayor Sammy Co ang mubo na seremonyas adtong adlawa na Lunes, Agosto 2.
Matud pa ni CPNP Eleazar, magamit gayud kining speedboat arun maghatag og seguridad sa maritime territory sa syudad sa Pagadian. Mapasalamaton si Mayor Co sa dakong donasyon nga gihatag PNP sa pamumuno ni CPNP Eleazar ug ilabina kay President Duterte para dugang seguridad sa mga Pagadianons.
(News & photos courtesy of Asenso Pagadian)