Patay diha-diha ang usa ka empleyado sa Philippine Drug Enforcement Agency kon PDEA human kini gipusil sa wala mailhing riding in tandem sa gawas sa iyang pinuy-anan sa Purok-1, Barangay Poblacion, Tulunan, Cotabato bag-ohay pa lamang.
Giila ang biktima nga si Peter Estilloso, 39-anyos ug empleyado sa PDEA.
Subay sa inisyal nga taho gikan sa kapulisan, samtang gikan nag hangout ang biktima uban sa iyang mga higala ug sa dihang pasulod na unta kini sa iyang gipuy-an, giduol kini sa wala mailhing riding in tandem ug sa walay langan gipusil-patay gamit ang kalibre 45 nga pistola.
Matud pa sa pamilya niini nga walay bahad ni bisan kinsa ang biktima sanglit nailhan kini nga hilomon ug responsable.
Personal nga kasuko nga adunay kalabtanan sa trabaho ang gilantaw nga anggulo sa PNP nga maoy hinungdan sa pagpusil patay sa biktima.
(Source: Pagadian News Daily)