28.7 C
Manila
Sunday, April 21, 2024

Pagadian: Educational assistance, malipayon nga gidawat sa mga scholar student

- Advertisement -

Zamboanga del Sur – Malipayon dili lang ang mga studyante apil na usab ang mga ginikanan sa mga scholar student nga midawat sa ilang Educational Assistance o subsidiya gahapong adlawa sa may Mega Gym, Provincial Government Complex, Dao Pagadian City. Matud pa nga mukabat sa 875 ka mga sholar student ang midawat sa maong subsidiya nga gilangkuban sa DL kon Dean’s Lister og sa Tertiary Education Subsidy kon TES nga gikan sa Provincial Government College sa Pagadian City og Aurora Campus.

Visit RPN DXKP Pagadian

Gisaysay ni Deputy Speaker – Congresswoman Divina Grace YU nga kaniadto napasar ang balaod nga hatagan og Subsidiya ang mga scholar sa dihang kongresista pa si Governor Victor Yu, og sa walay swerti wala kini gipasar sa kanhing Presidente tungod matud pa walay budget niini. Dugang pa sa Kongresista nga sa panahon niya isip pagka kongresista sa unang Distrito kon asa giduso pagbalik ang moang balaod gipirmihan og nipasar kini ilawom sa mando ni Presidente Rodrigo Duterte.

Dako ang pasalamat ni Deputy Speaker – Congresswoman Dvina Grace Yu tungod nakita ni President Duterte ang kalisod sa mga studyante nga mugasto sa ilang pagtungha ilabi na sa Koleheyo. Hisayran nga kada usa sa mga scholar ang makadawat sa tag 20 mil ka pesos kada semester. Nanghinaot si Congresswoman Divina Yu ngadto sa mga studyante nga tarungon ang ilang pag eskwela ug ibalik ngadto sa Gobyerno ang tabang nga gigasa kanila pinaagi sa paglampos sa pagtungha og makab-ot ang ilang mga pangandoy.

Mapasalamaton usab ang mga studyante sa tabang nga ilang nadawat, gani gibutyag ni Eric usa ka 4th year student nga nagkuha sa korsong Bachelor of science and Biology sa Zamboanga del Sur Provincial Government College, nga usa kini ka dakong tabang alang kanila isip mga studyante tungod mapadayon gihapon nila ang ilang pagtungha bisan paman sa kalisod, og natabangan niini ang ilang mga ginikanan nga mo minus ang galastuhon ilabi na sa panahon sa pandemya. Mapasalamaton usab kini tungod sa pila ka libo nga studyante naapil kini og nahatagan sa opurtonindad.

Sa mensahe ni Governor Victor Yu nga sa iyang sunod nga termino nagplano kini nga padak-on pa og matukod ug laing building sa Provincial Government College sa Lungsod sa Aurora ingon man sa Dakbayan sa Pagadian aron masdaghan pang mga studyante ang makapahimolos og makatungha nga libre og wala nay huna-hunaon nga balayrunon. Gitino niini nga sa pagkakaron aduna palay 2mil kapin nga mga studyante ang nagskwela sa Provincial Government College og gusto niini nga madungan kini og muabot sa 5mil ka mga studyante. (Wendel Cabrera, photos courtesy of ZDS Press Bureau)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -