Dumalinao, Zamboanga del Sur – Nagkampyon ang mga kababayen-an sa Lungsod sa Dumalinao Zamboanga del Sur homan nga gisunod sunod ug bomba ang bola ngadto sa ilang kontra, sa gipahigayon nga Volleyball Competition sugod atong adlaw nga Biyernes hangtud gahapong adlawa sa may Gatchalian Gym, Provincial Government Complex, Dao Pagadian City.
Sa gipahigayon nga Elimination Round atong adlaw nga Biyernes, Marso 25 ning kasamtangan nga tuig, nag top-1 ang Guipos og nag top-2 ang Josefina sa First Game, nag Top-1 usab ang Mahayag og nag Top-2 ang Pagadian sa Second Game, nakuha usab sa Dumalinao ang Top-1 og Top-2 ang Tigbao sa third Game, nag Top-1 ang Dumingag og naangkon sa Molave ang Top-2 sa Fourth Game.
Naluyahan og wala na ka depensa pa nga miresulta sa paghagbong sa gihimong Quarter Finals atong Marso 29, ang Lungsod sa Molave, Tigbao, Josefina ug ang Dakbayan sa Pagadian.kon asa nagmadaugon ang Lungsod sa Guipos, Mahayag, Dumingag og Dumalinao nga gisuportahan pa ni incumbent Board Member Raul Famor sa Segundo Distrito og magpapili isip Mayor sa Lungsod sa Dumalinao.
Bisan paman sa nasinating kakapoy og uhaw wala nagpakurat ang Team Dumalinao kon asa padayun gihapon ang pagbomba og pagscore nga gipangunahan sa ilang Captain Ball nga si Joan Buac, Yunity og pagdasig sa matag usa sa team aron mahimong malampuson matud pa niini. Gilubong sa Team Dumalinao ang Team Mahayag sa score nga 25-11 sa 1st set, 25-17 sa 2nd set og 25-22 sa 3rd set sa Final Game.
Nitaas usab ang kumpyansa sa Team Dumingag nga hinungdan sa ilang pagdaog, diin gipildi ninii ang Team Guipos sa 3rd Place Match. Nakigduyog sa hugyaw nga mga syagit sila Deputy Speaker – Congresswoaman Divina Grace Yu og Governor Victor J. Yu sa intense nga dula nga gihatag sa kada Team. Matud ni Governor Yu og Congresswoman Divina Yu nga dako ang ilang kalipay nga makita ang matag LGU nga adunay panaghiusa bisan sa ingun ani nga aktibidad.
Matud sa duha nga usa lang kini ka pamaagi aron mapalambo ug mapakusgan pa ang abilidad sa mga kababaihan. Sa katapusan naangkon sa Team Dumingag ang 3rd Price, @nd Price ang Guipos, 1st Price ang Mahayag og nahimong Champion ang Team Dumalinao. (Wendel Cabrera, photos courtesy of Igmat Dumalinao)
