Human sa gipahigayong screening, mokabat sa 182 ka nursing students gikan sa mga pribadong colleges dinhi sa Zamboanga del Sur ang ni-qualify sa Nursing Scholarship Program sa kagamhanang probinsyal sa pagpanguna ni Gov. Victor J. Yu uban ang suporta ni 1st District Cong. Divina Grace Yu ug 2nd District Cong. Victoria Yu.
Namugna ang maong programa aron matubag ang kakulangon sa mga healthcare professionals ug mapalambo ang edukasyon sa mga kabatan-onan.
Modawat og tig-P25k ang mga iskolar matag semester aron isustinir sa ilang tuition sa eskwelahan.
Gipangunahan ni Gov. Yu ang signing and orientation ceremony adlawng Sabado, Disyembre 7, 2024, sa Executive Functional Hall, Provincial Capitol Complex, Pagadian City. Ang unang batch naglakip sa 88 gikan sa Blancia College Foundation, Inc. ug 94 gikan sa Universidad de Zamboanga Pagadian Campus.
(Source: Victory Zamboanga del Sur Facebook page)