Cebu City – Miluwat ug bug-at nga pamahayag si Presidential aspirant Senador Emmanuel “Manny” Pacquiao, Domingo, Septembre 26, 2021, nonot sa iyang pagpahibaw nga modagan sa highest elective office, tungod kay buot niya nga ipa preso ang mga corrupt government officials.
“Nagdesisyon ko nga modagan kay kahibaw ko sa akong buhaton. Mao gyud na akong pangandoy nga makita sila sa presohan nga mag-uban ba (I decided to run because I know what I’m doing. That’s my aim, to see them together in jail),” mensahi ni Pacquiao sa iyang speech sa Promdi kickoff event sa Radisson Blu Hotel sa Syudad sa Sugbo.
Matod ni Pacquiao nga wala niya gi atake ang iyang kanhi kaalyado nga si Presidente Rodrigo Duterte, pero iya lang gipahibaw ug unsa ang nahitabo diha sa goberno.
Gisaway ni Pacman ang mga indibidwal ug mga politico nga nagpahimulos sa Covid-19 pandemic.
Ang Pambansang Kamao gi endorso sa Probinsya Muna Development Initiative (Promdi), ang partido nga gimugna ni late Cebu governor Emilio Mariano “Lito” Osmena Jr. ug gibalik ug lunsad isip Abag-Promdi, sa ilang event pagka Domingo.
Nanumpa si Pacquiao isip labing bag-o mga membro sa Abag-Promdi atubangan ni sa Presidente sa partido nga si Mimi Osmena, anak ni Lito.
Sa iyang opening speech, matod ni Mimo, “a new type of leadership” is needed- a “ leader who understands the needs of the people, a leader who follows his heart.”
“We need a champion who will fight for freedom, freedom from poverty, freedom from sickness and freedom from fear,” mensahi ni Mimo.
Nahimo nang Presidente sa Abag-Promdi National Council.
Ang senador sakop sa Partido Demokratiko Pilipino Lakas ng Bayan ( PDP-Laban) faction ni Senador Aquilino “Koko” Pimentel III.
Lakip sa mga mitambong sa event pagka Domingo, si Cebu City Association Barangay Council President Franklyn Ong ug gipahibaw niini nga moluwat unya siya ug pamahayag labot sa iyang presensya.
Si Ong kaalyado ni kanhi Cebu City Mayor Tomas Osmena, head sa Bando Osmena Pundok Kauswagan (BOPK) ug kaalyado ni Pacquiao.
Mitambong sab sa maong event ang 50 ka mga barangay kapitan sa Cebu.
(Source: Abag-Promdi | Mimo Osmena, photo courtesy of Pacquiao Information & Action)