Aduna na matod pay gigahin nga P200-million nga pondo ang General Santos City government alang sa ilunsad nga vaccination program sa siyudad.
Sa gipaabot nga impormasyon ni City-IATF information officer, Jed Reston, giasoy niini nga maggikan sa trust fund sa siyudad ang maong pondo sa pagpalit og bakuna batok sa Covid-19.
Hinuon, ginahulat pa sa LGU ang desisyon sa national government sa kung unsang bakuna ang maaprubahan ug kung pila ang presyo niini, aron maplastar sa siyudad ang sunod niining lakang.
“We’re still waiting for the national on what vaccine ang bigyan nila ng permit so we can know the price and we can find out how much mabibili natin with the P200 million and how much we need to add to reach herd immunity,” ang tipik sa impormasyong gitunol sa opisyal.
Gawas sa maong P200-million, gibutyag usab ni Reston nga adunay dugang P10-million nga giandam ang panggamhanan isip “vaccine support”, sama sa storage, transport ug sa uban pang kinahanglanon, ugaling ilunsad na ang vaccination drive.
“Vaccine cost pa lang po yang P200 million. Initially nag-prepare na (ang)Â LGU P10 million for storage, transport and vaccine support. And may additional cost pa for other things like needles and medical equipment.” ( JOHN REY SOMIDO)