General Santos City – Subling ikasa sa GenSan City Jail ang ‘Oplan galugad’ dungan sa pagkasikop sa usa ka ginang sa sulay nga pagpalusot og shabu.
Matud ni Jail Senior Insp. Neremedias De Quia, deputy warden regular ang ilang inspeksyon sa mga detention cells sa City Jail apan wala silay nakita nga ismagol o unsa mang iligal nga kontrabando.
Dugang ni De Quia, hugot ang ilang gipatuman nga seguridad asa nakaskedyol ang ilang dalaw ug duna nay listahan ang kinsa mang modalaw.
Pag-abot sa pasilidad gawas sa pagpresenta og ID, isumite sa mga nasangpit ang kaugalingon alang sa inspeksyon sa ilang lawas ug inspeksyon sa ilang gibitbit nga butang alang sa ilang gibisita.
Ang GenSan City jail ang dunay 828 ka male person’s deprived of liberty (PDL), asa halos 80 porsyento sa kaso mao ang dunay kalabutan sa gidiling droga.