Iriga City — Nagtugot na an Dep-Ed Bicol na ipagamit sa mga evacuees an mga eskwelahan katakod kan naghohomang bagyong si Rolly.
Ini an kinompirmar ni Gredil Naz, parapahayag kan Office of Civil Defense (OCD) Bicol kasunod kan mahiwas na preparasyon kan opisina katuwang an puwersa armada kan Pilipinas, PNP, BFP. Coast Guard kaiba an iba pang ahensya de gobierno.
Alagad nagpaguiromdom an OCD na kaipuhan man giraray na sunudon sa mga evacuation centers an magkakanigong protocol tanganing makaibitar sa padagos na paglakop kan COVID-19.
Tinaw’an nin duon kan opisyal na kadaklan kan mga evacuation centers an ginagamit ngunian na isolation asin quarantine facilities kaya nagkukulang sa evacuation centers oras na magtama an bagyong si Rolly. (OIC Melvin Barayoga, RPN DZKI Iriga)
(Source: OCD Bicol)