Mipagawas na ug kamanduan kagahapon sa buntag ang buhatan sa Municipal Agriculture sa lungsod sa Malimono nga ilubong na ang oarfish nga nadagsa sa Brgy. Tinago, Malimono, Surigao Del Norte niadtong adlaw’ng Lunes sa hapon. Kini tungod kay anam-anam na nga nanimaho ang maong isda.
Sumala pa ni Loreta C. Loren, ang Municipal Agriculturist, nga ang maong oarfish nga midagsa ang taglagsaon ra magpakita sa ilang lugar. Dugang pagsaysay sa opisyal nga nabalaka matod pa ang pipila ka mga katawhan sa nasangpit nga lungsod kalabot sa paglutaw sa maong oarfish sa pagtoo nga adunay dala nga dili marajaw nga talimad-on partikukar niini ang linog.
Hinuon nanawagan si Mrs. Loren sa mga katawhan sa Malimono nga dili angay mabalaka tungod matud pa dili kompirmado nga ang pagpakita sa oarfish ang jaoy daya nga mayaot nga katalagman.
Ang midagsa nga oarfish ang anaa sa isa ka dupa ug tunga ang ka tas-on niini. (Mark James Lisondra, Ronda 21 RPN DXKS)
