29.8 C
Manila
Monday, April 15, 2024

No Permit, No Travel Policy alang sa mga menor de edad sa GenSan, giduso

- Advertisement -
General Santos City – Ang mga ginikanan ug mga hamtong nga nagbiyahe kauban ang mga menor de edad kinahanglan nga magpakita sa “pamatuod” sa ilang relasyon sa ginikanan o pag-atiman sa dili pa sila tugutan nga makabiyahe gawas sa General Santos City.
Kana kung hingpit unyang ma-aprobahan ang Ordinansang giduso ni City Councilor Maria Lourdes Casabuena nga nag-require sa mga menor de edad nga residente ning siyudad nga nag-edad og ubos sa 18 anyos nga mokuha og permit nga makabiyahe gawas sa siyudad gikan sa mga awtoridad sa dili pa sila tugotan nga makasakay sa mga pampublikong transportasyon.
Gipasabot sa gisugyot nga lakang nga gikinahanglan ang permiso sa pagbiyahe aron mapanalipdan ang bata gikan sa pag-abuso ug pagpahimulos; pagpugong sa child trafficking; siguroha nga ang kauban sa pagbiyahe kay awtorisado ug makaatiman sa kaayohan sa menor de edad.
Matud pa niini nga ang mga ginikanan kinahanglang makakuha og permit sa pagbiyahe gikan sa City Social Welfare and Development Office (CSWDO) sa pagsumite sa mga kinahanglanon sa dokumentaryo.
Alang sa mga bata nga pasahero sa pribadong sakyanan, gikinahanglan usab nga magpakita og pruweba ang kuyog nga mga hamtong, sama sa birth certificate, pasaporte, o medical certificate ngadto sa police checkpoints. (Giovanni Pasco)
- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -