Jasaan, Misamis Oriental – Patay ang usa ka motorista human mabangga sa usa ka Bus sa National Highway, Zone 2, Aplaya, Jasaan, Misamis Oriental.
Ang biktima mao si Maylobin Llagas Dela Cruz, 31-anyos nga taga-Mintabon, Talisyan, misamjs oriental samtang ang driver sa bus nga gipanag-iyahan sa DEARBC Cooperatives nailang si Henly Catalan nga taga-San Fernando, Bukidnon
Subay sa report, gikan sa lungsod sa Talisayan paingon sa Cagayan de Oro ang direksyon sa motorsiklo ug gikan sa Cagayan de Oro paingon sa Balingasag ang direksyon sa bus dihang natigayon ang insidente.
Giingong mi-overtake ang bus sa usa ka pasaheroang jeep ug didto natagbo niini ang motorsiklo.
Gidala pa sa hospital ang biktimang si Llagas apan gideklarar nang dead on arrival sa mga doktor. Samtang ang driver sa bus temporaryong gidetina sa bilanggoan.
News and photo courtesy of Radyo Ronda CDO News Team