Davao de Oro: Apil sad ang mga Mineral Processing Plant (MPP) Workers sa Diwalwal sa mga nakatrabaho sa nagpadayong Emergency Employment sa gobyerno, ug nag-una kanila matud ni Davao De Oro Senior Labor Officer Miles Atugan, ang 136 trabahante sa mga Gold Ore Mineral Processing Plants sa Barangay nga temporaryong nakaundang sa ilang trabaho samtang ginatukod pa diha sa Sitio Mabatas ang Ball Mill/Carbon In Pulp (CIP) Plants sa kompanya nga ilang gitrabahoan.
Atol sa bag-o nahumang Provincial Task Force Naboc River Meeting, si Senior Labor Officer Miles Atugan mihatag sa iyang Report ngadto kang Gov. Jayvee Tyron Uy sa nagpadayong Emergency Employment Program labi na ang sa 136 Mineral Processing Plant (MPPs) Workers diha sa Sitio Mabatas, Upper Ulip Monkayo, Davao De Oro nga nakahuman bag-o lang sa 20 ka adlaw nilang pagtrabaho.
Partner sa probinsya niini ang Department of Labor and Employment (DOLE) nga maoy nagbayad kanila sa ilang sweldo nga P396.00 matag adlaw diin ang kada usa kanila gipatrabaho sulod sa 20 ka adlaw.
Aron makasugod na sa ilang trabaho paghinlo sa Naboc River ang Principal Dredgers nga nahatagan bag-o lang sa ilang “Industrial Sand and Gravel (ISAG) Permits” gipahugtan ang Enforcement sa Cease and Desist Order (CDO) sa Project Monitoring and Coordinating Council (PMCC) nga miresulta sa daghang Gold Ore Mineral Processing Plant Owners nga namalhin na diha sa Sitio Mabatas.
Ang bag-o nahumang Meeting sa Provincial Task Force Naboc River diha himoa sa Old SP Session Hall niadtong Miyerkules (Hulyo 1,2020) ug apil sa mga mitambong sila PENRO Chamberlain Babiera, PLGU PENRO Eugene Alaba, NORDECO GM Mario Angelo Sotto, PSWDO Chief Josephine Frasco, Maj. Brian Bagaipo sa 25th IB, PMaj. Rey Philipppe Armigos, PEO Chief Engr. Rhoderick Digamon, ug uban pa. (Gilbert M Cabahug PAO-ID DDO, Photo by ADayao/Jonie)