Dili luwas ang Mindanao sa hulga sa posibilidad nga mahitabo ang mga linug ug pagsaka sa tubig dagat gitawag nga Tsunami . Kini ang gipasabot ni DOST Undersecretary ug Acting Phivolcs Director Renato Solidom atoll sa pakigpulong niini via zoom atubangan sa mga audience sa bag-uhay lang natigayon nga National Science and Technology week – SOCSKSARGEN Regional celebration sulod sa Greenleaf hotel ning syudad sa GenSan.
Matud pa niini nga ang Mindanao prone sa mga lihug volcanic or tectonic origin kon gikan sa dagat nga posibling magmugna ug tsunami ,samtang daghang mga trench ug fault line nga posibling magmugna ug dakong linug sa nagkadaiyang mga lugar sa Mindanao susama sa nahitabo milabayng tuig nga mipatay ug miguba sa mga major infrastructure susama sa tulay, eskwelahan , balay ug mga dagkong building or establisimento.
Kahinumduman nga nahitabo ang tsunami sa milabayng tuig 1976 sa moro gulf nga mikalas ug kapin 8,000 ka mga kinabuhi . Ang GenSan, Sarangani bay ug uban pang dagkong syudad sa Mindanao ang posibling maigo sa linog ug tsunami . Mosaka matud pa ang tubig dagat ug 10 -14 meters ug adunay gikusgun nga 800 kph ug muabot sa baybayon 3 ka minuto ug mamahimong moabot ug 2 kilometers ang maigo sa pagsaka sa tuig.
Nanawagan kini sa katawhan ug Local Government Units officials nga mangandam ug mopartisipar sa mga tsunami drills ug kanunayng I monitor ang tsunami warning system kay mikabat na sa 108 units ang na install sa nagkadiyang mga lugar sa Pilipinas . Estudyuhan ang mga hazard maps ug kanunayng ipanawagan ang pagprotekta sa mga coral reefs ug mga mangroves sa kabaybayonan. (Roniel Degorio, RPN DXDX GenSan)