Liboan ka mga riders gikan sa nagkalain-laing motorcycle clubs sa Cebu ang misalmot sa usa ka nag-unang motorcade nga gitawag “Rides for Duterte.”
Nahitabo kini pasado alas 8:00 sa gabii, Marso 14, 2025, diin gituyok sa mga riders ang Sugbo.
Kini nga kalihokan usa ka dako nga demostrasyon sa panaghiusa sa riding community, nga nagpakita sa ilang suporta ug panaghiusa alang sa ilang gisalmutan nga adbokasiya.
Gawas sa mga motorcycle riders, misalmot usab ang ubang mga motorista, lakip na ang mga four-wheeled vehicle owners ug independent riders. Ang maong motorcade nagpasiugda sa espirito sa pagkahiusa sa mga sakop sa nagkalain-laing grupo sa transportasyon.
Nagpakita sila og dakong pagsupak sa pagdakop ni FPRRD ug pagdala niini ngadto sa The Hague, Netherlands. (Renante Socia Lada)