Mikabat sa 1, 000 ka libo ka mga benepesyaro an nakadawat nan discount voucher gikan sa Department of Agriculture ug sa Provincial Government pinaagi ni Governor Robert Lyndon Barbers.
An tumong sa pag apod-apod nan voucher amo an matabangan an mga mag uuma na mapataas an produksyon maski mahal an fertilizer aron mahimo ug supesyente an probinsiya sa Surigao del Norte sa bugas.
Sa mensahe ni Board Member Victor Bernal isip representante ni Vice Governor Eddie “Geed” Gokiangkee Jr. nga an membro sa Sangguniang Panlalawigan suportado an 10 point agenda nga mga programa ni Governor Robert Lyndon Barbers.
Sa mensahe ni Mayor Pablo Yves L. Dumlao II nagkanayon nga dako an ija kalipay sa mga maguuma human dako an potential sa Probinsiya sa Surigao del Norte.
Sa mensahe ni Governor Robert Lyndon Barbers gusto niini nga malambuon an probinsiya sa Surigao del Norte, dakbayan sa Surigao ug an mga katawhang Surigaonon.
Personal nga mitambong sa kick off ceremony agig pag suporta sa kalihokan amo sila ni Provincial Agriculturist Ruby Ann Lagahit, Acting City Agriculturist Amelita Dela Cerna sa City Agriculture Office, Michie Mae Pareñas an APCO SDN, ug si Francis Irene Limbaga an Agriculturist II sa DA Caraga. (Mark James Lisondra)