Patuloy pa ring tumataas ang bilang ng kaso ng coronavirus disease 2019 (COVID-19) sa buong mundo.
Batay sa pinakahuling tala ng World Health Organization (WHO), sumampa sa higit 4-M ang kaso ng COVID-19 sa daigdig.
Kasabay nito, muli namang tumaas ang kaso ng COVID-19 sa bansang Germany matapos na luwagan ang social restriction protocols.
Habang muli namang nakapagtala ng 14 na kaso ng COVID-19 sa Wuhan City, China matapos ang ilang linggong na walang naitatalang kaso ng virus sa lugar.
Samantala, pinangangambahan naman ng mga eksperto na magkaroon ng ikalawang bugso o second wave nang pagkalat ng virus sa South Korea.
Sa ngayon, sumampa na sa higit 200,000 ang bilang ng mga nasawi sa virus, habang nasa higit 1-M naman ang bilang ng mga nakarekober sa COVID-19 sa buong mundo.